Čynoŭnik Minekanomiki: kurs moža padskočyć da 7 tysiač rubloŭ za $1
Biełaruś čakajuć «
15.07.2011 / 18:12
U Ministerstvie ekanomiki ličać, što ŭnifikacyja kursu biełaruskaha rubla ŭ adnosinach da zamiežnych valut pavinna być ažyćcioŭlena ŭ samy bližejšy čas.
«Što tyčycca vychadu na adziny kurs — Minekanomiki ličyć, što heta nieabchodna ŭ samy bližejšy čas», — zajaviŭ namieśnik načalnika hałoŭnaha ŭpraŭleńnia makraekanamičnaha analizu i prahnazavańnia Minekanomiki Anton Daŭhaviečny na pasiadžeńni Respublikanskaha kłuba dyrektaraŭ u piatnicu ŭ Minsku.
Jon adznačyŭ, što kali Biełaruś piarojdzie da płavajučaha kursu nacvaluty, mahčyma, niekatory čas «budzie pierachlest — Br7 tys. i vyšej (za $ 1)». «Ale potym, mahčyma, kurs adyhraje nazad», — nie vyklučyŭ A. Daŭhaviečny.
Jon padkreśliŭ, što ŭ Minekanomiki pierakananyja: «pavinien być svabodny dostup da valuty pa biahučych apieracyjach sub’iektaŭ haspadarańnia i kupla valuty dla nasielnictva pa tym kursie, jaki rynkava skłaŭsia».
A. daŭhaviečny nie vyklučyŭ, što, mahčyma, u pieryjad unifikacyi kursu Nacbank budzie ažyćciaŭlać valutnyja interviencyi ŭ razumnych miežach, kab paźbiehnuć rezkich vahańniaŭ kursu na rynku.
«Treba vyznačycca, čaho my chočam. Kali my chočam kurs u Br5 tys. (za $ 1), mahčyma, hety kurs pratrymajecca miesiac, mahčyma — 2 miesiacy, ale z tym uzroŭniem zołatavalutnych reziervaŭ, jakija ŭ nas jość, kurs trymać my nie možam «, — skazaŭ pradstaŭnik Minekanomiki.
Pavodle jaho prahnozu, Biełaruś čakajuć «