Назарбаеў лёг у нямецкую клініку
Прычыны шпіталізацыі невядомыя.
20.07.2011 / 11:01
71-гадовы Нурсултан Назарбаеў цяпер знаходзіцца ў медыцынскім цэнтры універсітэта Гамбург-Эпендорф.
Прычыны шпіталізацыі невядомыя. У прэс-службе казахстанскага лідэра адзначаюць, што Назарбаеў з 11 ліпеня знаходзіцца ў кароткатэрміновым адпачынку. Але аб месцазнаходжанні прэзідэнта і аб даце ягонага выхаду на працу ў прэс-службе не ведаюць, перадае Reuters.
Нурсултан Назарбаеў нязменна кіруе Казахстанам ўжо больш за 20 гадоў. У выніку датэрміновых выбараў у сакавіку гэтага года ён быў абраны кіраўніком краіны на новы пяцігадовы тэрмін, паведамляюць інфармагенцтвы.