Лукашэнка выказаў спачуванні ў сувязі са смерцю Анджэя Лепера

«У Беларусі будуць памятаць і шанаваць ўнёсак Анджэя Лепера ў паступальнае развіццё беларуска-польскіх адносінаў», — адзначаецца ў спачуванні.

09.08.2011 / 12:26

Аляксандр Лукашэнка выказаў спачуванні ў сувязі са смерцю Анджэя Лепера, лідара партыі «Самаабарона Рэспублікі Польшча».

«Анджэй Лепер не баяўся адкрыта казаць праўду і за сваю грамадзянскую пазіцыю неаднаразова падвяргаўся крытыцы з боку палітычных апанентаў,

— адзначаецца ў тэксце спачування. — У Беларусі будуць памятаць і шанаваць значны ўнёсак Анджэя Лепера ў паступальнае развіццё беларуска-польскіх адносінаў, якія ён імкнуўся зрабіць сапраўды ўзаемавыгаднымі, добрасуседскімі і сяброўскімі».

БелТА