Siarhiej Čały: Imaviernaść druhoj chvali kryzisu vialikaja
«Moža być paŭtareńnie taho, što było ŭ časy Vialikaj depresii», — kaža jon.
09.08.2011 / 16:26
Finansavy analityk Siarhiej Čały aceńvaje mahčymyja nastupstvy druhoj chvali finansavaha kryzisu dla Biełarusi, a taksama ciapierašni stan i pierśpiektyvy suśvietnych valutaŭ — dołara ZŠA, jeŭra, kitajskaha juania.
Ciapierašnija padzieńni kacirovak akcyjaŭ na suśvietnych biržach Siarhiej Čały nazyvaje druhoju chvalaju finansavaha kryzisu, što raspačaŭsia ŭ 2007 h., dy paraŭnoŭvaje situacyju ź Vialikaju depresijaj
«Moža być paŭtareńnie taho, što było ŭ časy Vialikaj depresii, kali sa dna kryzisu 1933 h. da 1936 h. pracavali mahutnyja miechanizmy dziaržaŭnaha padtrymańnia ekanomiki.I niedzie ŭ 1936 h. vyrašyli, što chopić, bo jość niebiaśpieka raskručvańnia inflacyi, rostu doŭhu i deficytu biudžetu, dy zarana skaracili hetyja miechanizmy. Heta pryviało da druhasnaj depresii, — apaviadaje Siarhiej Čały. —
Ciapier situacyja navat horšaja, čym u 1936 h., bo asablivych vynikaŭ va ŭsim śviecie hetyja miechanizmy biudžetnaha stymulavańnia nie prynieśli».
Što da Biełarusi — druhaja chvala kryzisu, na dumku ekśpierta, mocna situacyi nie pahoršyć, prynamsi, najbližejšym časam. «Hety kryzis adabjecca na kaciroŭkach ablihacyjaŭ suvierennych daŭhoŭ krainaŭ kštałtu našaj. Praŭdapadobna, što adbudziecca nastupnaje padzieńnie koštu našych daŭhoŭ, ale tut situacyja — dvuchbakovaniebiaśpiečnaja. Z adnaho boku, nam užo ŭsio roŭna — tyja košty, za jakija pradajucca našyja daŭhi, aznačajuć dachodnaść bolš za 10%, i ŭ takich umovach źmiaščać ablihacyi nie maje sensu — vielmi doraha. Nastupny rost asablivaj roli dla nas užo nie zhulaje, bo rynak u nas užo faktyčna začynieny», — padkreśliŭ Siarhiej Čały. Ź inšaha boku, pavodle ekśpierta, Biełaruś mahła b skarystacca momantam i vykupić svaje daŭhavyja abaviazki mienavita ciapier.
Kali ž finansavy kryzis pieraraście ŭ ekanamičny spad, to vyniki mohuć być dastatkova surjoznyja dla Biełarusi,miarkuje ekśpiert. «My ciapier robim usio, kab pierajści na madel
Siarhiej Čały ŭpeŭnieny, što blizkim časam pazicyi dołara jak suśvietnaj valuty zastanucca nieparušnyja. «Kaniečnie, rana ci pozna inšaja valuta pryjdzie na zamienu. Ale hety praces budzie nastolki pastupovy i niezaŭvažny, što pojdzie niekalki dziesiacihodździaŭ na heta, — havoryć jon. — Dołar zastaniecca jak valuta całkam reśpiektabielny — havaryć pra toje, što budzie niejki krach ci abvał, nie vypadaje. Bolš za toje, situacyja ciapier takaja, što nie vidać ničoha, što mahło b pryjści dołaru na źmienu».
Na dumku ekśpierta, kitajski juań nie zmoža zamianić dołar u jakaści reziervovaj valuty.
«Nichto nie budzie zachoŭvać svaich aktyvaŭ u valucie, košt jakoj moža ŭstaloŭvacca advolna ŭradam hetaj krainy, —padkreśliŭ ekśpiert. — U jeŭrazonie situacyja jašče ciažejšaja za stan u ZŠA, i ciapier faktyčna staić pytańnie žyćciazdolnaści prajektu jeŭra. Prajekt Jeŭraźviazu i prajekt adzinaj valuty dobra pracavaŭ u čas ekanamičnaha rostu, adnak akazaŭsia niežyćciazdolny ŭ čas ekanamičnaha spadu», — padkreśliŭ Siarhiej Čały.