Vyzvalenyja palitviaźni prybyvajuć u Minsk. Vyjšli Parfiankoŭ, Jaromienak, Macukievič, Drozd, Kazakoŭ, Hrybkoŭ, Sakret, Kviatkievič
abnaŭlajecca, dadalisia foty
Pratasieniu nie vypuścili, bo jon admoviŭsia pisać prašeńnie ab pamiłavańni. Ci aznačaje heta, što 9-m, nieviadomym vyzvalenym staŭ Chamičenka, słavuty «Navušnik»?
13.08.2011 / 15:46
Ciahnik z palitviaźniami prybyvaje z Babrujska.
Svajaki latuć z kvietkami.
Śviatłana Vinahradava vyjšła zamuž za palitviaźnia Paŭła Vinahradava prosta ŭ kałonii ŭ Ivacevičach. Jana pryjšła na vakzał sustreć pamiłavanych. A čakaje muža...
Siarhiej Kazakoŭ.
Archivist Źmicier Drozd vyjšaŭ z turmy sivym.
Vasil Parfiankoŭ prybyŭ z Oršy pieršym i sustrakaŭ kaleh.
Siaroža, dačakałasia!
Siabry prynieśli šampanskaje.
Dapamohu palitviaźniam źbirali tysiačy ludziej. Siońnia niekatoryja ź ich paśpieli sustreć pieršych vyzvalenych na vakzale.
Svaboda chmielnaje vino — niazvykłaje jano.
Dziažurny Babrujskaj kałonii paviedamiŭ, što ŭ hety čas idzie vyzvaleńnie viaźniaŭ, jakija ŭvajšli ŭ śpis pamiłavanych. «Dźmitryja Drazda dy inšych zaraz pasadziać na ciahnik da Minska. Pazvanić im damoŭ niama jak, pryjeduć u Minsk — tam raźbiarucca», — paviedamiŭ dziažurny.
Siastra palitviaźnia Jaŭhiena Sakreta Iryna paviedamiła, što jaje brat siońnia ranicaj pazvaniŭ damoŭ i paviedamiŭ, što patrapiŭ u lik pamiłavanych, užo vyzvaliŭsia i jedzie damoŭ. Jaŭhien Sakret adbyvaŭ pakarańnie ŭ kałonii pad Mahilovam № 15.
Žonka Kłaskoŭskaha Natalla pakul ničoha nie viedaje pra vyzvaleńnie.
- * *
Jak stała viadoma paźniej, ciahnik z palitviaźniami z Babrujska prybyvaje ŭ Minsk, a 15.55. Ich sustrakajuć svajaki i reparciory na
- * *
Na vakzale ich sustrakajuć žurnalisty, tam ža ŭžo znachodzicca Vasil Parfiankoŭ. Jon prybyŭ z Oršy paŭhadziny tamu bierlinskim ciahnikom.
- * *
Vital Macukievič jedzie maršrutkaj z Navapołacka — paviedamiŭ u Redakcyju «Našaj Nivy» čytač, jaki sustreŭ jaho ŭ Navapołacku na aŭtavakzale.
- * *
Maci Ŭładzimiera Jaromienka Halina Markaŭna paviedamiła, što Ŭładzimier jedzie damoŭ. Jon patrapiŭ pad pamiłavańnie. Jaromienak adbyvaŭ pakarańnie ŭ kałonii
* * *
Dapamohu palitviaźniam źbirali tysiačy ludziej. Siońnia niekatoryja ź ich paśpieli sustreć pieršych vyzvalenych na vakzale. Akramia svajakoŭ, sabralisia siabry, pravaabaroncy, paplečniki, palityki.
- * *
Z Babrujska prybyli Źmicier Drozd, Siarhiej Kazakoŭ i Arciom Hrybkoŭ. Pratasieni pakul niama.
- * *
I Parfiankoŭ, i Drozd, i Kazakoŭ, usie troje pisali prašeńni ab pamiłavańni na imia Łukašenki, pierš čym atrymać hetaje pamiłavańnie. Kazakoŭ skazaŭ, što nie budzie raskazvać pra akaličnaści napisańnia pamiłavańnia. Drozd adznačyŭ, što prapanova napisać prośbu ab pamiłavańni była «karektnaj». Archivist Źmicier Drozd vyjšaŭ z turmy sivym, pastarełym. Parfiankoŭ zaciemiŭ, što ŭ prašeńni ab pamiłavańni jon nie pryznaŭ siabie vinoŭnym, abmiežavaŭsia prośbaj vypuścić jaho.
* * *
Źjaviłasia infarmacyja, što Pratasienia admoviŭsia pisać prašeńnie i tamu jaho siarod pamiłavanych nie było. Sa słovaŭ Drazda, paśla admovy pisać prašeńnie Pratasieniu pieraviali ź lepšaha atradu № 7 u inšy.
Sam Drozd skazaŭ radyjo «Svaboda», što adčuvaje svajo vyzvaleńnie jak śviata napałovu, bo za kratami zastajecca šmat palitviaźniaŭ. «Voś kali ŭsie vyjduć na volu, tady budzie śviata». Pavodle Drazda, asabliva presujuć zaraz tych, chto admoviŭsia padpisvać prašeńni. Jon sam nie pryznaŭ svajoj viny, jak chacieŭ toj, chto ŭhavorvaŭ jaho napisać prašeńnie, ale napisaŭ «što raskajvajecca ŭ tym, što asabista jon zrabiŭ». Heta farmuloŭka, pavodle Drazda, zadavoliła abodva baki.
Brat Andreja Pratasieni Alaksandr paviedamiŭ, što Andrej admoviŭsia pisać prašeńnie ab pamiłavańni i nie patrapiŭ u śpis pamiłavanych i tamu siońnia nie pryjechaŭ ŭ Miensk. «My jaho čakali! Ale što ž, budziem čakać dalej, vierym, što nieŭzabavie vyzvalać i jaho», — skazaŭ Alaksandr Pratasienia.
* * *
Vyzvaleny Alaksandr Kviatkievič, jaki adbyvaŭ pakarańnie ŭ Ivacevičach, paviedamlaje Spring96.org.
* * *
Ci aznačaje heta, što 9-m, nieviadomym vyzvalenym staŭ Chamičenka, słavuty «Navušnik»? Jon sirata, i ciažka vyjści na suviaź ź im.