Зборную Беларусі па хакеі будзе трэніраваць фін
Кары Хейкіля падпісаў трохгадовы кантракт з Беларускай федэрацыяй хакея.
16.08.2011 / 13:00
Кары Хейкіля падпісаў кантракт з Беларускай федэрацыяй хакея, які разлічаны на тры гады.
Эпапея з галоўным трэнерам для зборнай доўжылася ўсё лета. Называліся прозвішчы нашага Уладзіміра Крыкунова і латыша Алега Знарока, але іх не адпусцілі расійскія клубы. Разглядаўся нават варыянт з скандальным Міхаілам Захаравым.
Праблема ўзнікла пасля апошняга чэмпіёната свету, калі Беларусь выступіла няўдала і ледзь захавала прапіску ў эліце. Эдуарда Занкаўца папрасілі вызваліць пасаду.
Хейкілю 51 год. Як гулец выступаў у Фінляндыі, Швецыі, Італіі, а таксама ў ніжэйшых лігах Паўночнай Амерыкі.
Трэнерскую кар’еру пачаў у 35 гадоў у шведскім «Сунсвалі». У 2004 годзе перабраўся ў Расію, дзе працаваў з яраслаўльскім «Лакаматывам» і магнітагорскім «Металургам». З «Лакаматывам» ён заваёўваў срэбры і бронзу чэмпіянату Расіі і КХЛ.
Кантракт з Хейкеля заключаны з прыцэлам на першынствасвета-2014 , якое пройдзе ў Мінску. Раней зборную трэнеріравалі замежныя спецыялісты — канадзец Глен Хэнлан і амерыканец Курт Фрэйзер.