У Барысаўкім раёне пад коламі легкавіка загінулі тры чалавекі
Паводле папярэдняй інфармацыі, кіроўца быў нецвярозы.
28.08.2011 / 12:59
У Барысаўскім раёне кіроўца, знаходзячыся за рулём аўтамабіля «Сітраэн Ксанція», выехаў на сустрэчную паласу і збіў чатырох пешаходаў, трое з якіх памерлі на месцы. Яшчэ адзін пешаход быў шпіталізаваны. Пасля сутыкнення аўтамабіль з’ехаў ва ўзбочыну і ўрэзаўся ў дрэва. Сам кіроўца ў выніку дарожна-транспартнага здарэння не пацярпеў.
Аварыя адбылася 27 жніўня ў 22.50 на трасе М1. Па папярэдніх дадзеных, кіроўца знаходзіўся ў стане алкагольнага ап’янення. Распачатая крымінальная справа.
Усяго ж за мінулыя суткі на дарогах Беларусі зарэгістравана 16 дарожна-транспартных здарэнняў, у якіх загінулі 3 чалавекі.