«Nie pamiłavańnie, a reabilitacyja»
Jeŭrasajuz nie zadavolicca pamiłavańniem palitviaźniaŭ, — zajaviła pasoł Vialikabrytanii Rozmary Tomas.
06.09.2011 / 13:14
Dziaržavy ES ličać, što biełaruskija ŭłady pavinny nie pamiłavać asudžanych pa spravie «19 śniežnia», a reabilitavać,
zajaviła ŭ interviju ahienctvu
Jana nahadała, što
«biez reabilitacyi niemahčyma rabić karjeru, pracavać i h.d.».
Kamientujučy zajavu Alaksandra Łukašenki ab dyjałohu z apazicyjaj pry ŭdziele ES i Rasii, R.Tomas zaŭvažyła, što aficyjnaha zaprašeńnia pakul nie pastupiła. Dziaržavy ES, pavodle brytanskaha dypłamata, chacieli b pačuć u časie hetaha dyjałohu «ab farmavańni ŭ Biełarusi šmatpartyjnaj demakratyi». «
Kali ES pryjdzie da vysnovy, što za hetaj prapanovaj staić ščyry namier,ja ŭpeŭnienaja, što ES zachoča ŭ hetym prajekcie udzielničać.
Ale ES zmoža razhladać pytańnie ab udziele ŭ kruhłym stale tolki tady, kali pytańnie vyzvaleńnia i poŭnaj reabilitacyi ŭsich źniavolenych budzie vyrašanaje», — padkreśliła pasoł.
R. Tomas dadała, što «ES tak i nie ačuniaŭ ad hłybokaha šoku i zasmučeńnia», jakija zaznaŭ paśla padziejaŭ 19 śniežnia ŭ Biełarusi.
Apošnim časam aficyjnyja ŚMI vykazvajuć mierkavańnie, što prapanujučy dyjałoh z usimi patryjatyčna nastrojenymi siłami, Łukašenka zusim nie mieŭ na ŭvazie apazicyju.