Cukrovaja vajna skončyłasia hanarovaj kapitulacyjaj Biełarusi
Biełaruś u dobraachvotna-prymusovym paradku skarocić abjomy pastavak cukru ŭ Rasieju: sioleta da 180 tys.t., a ŭ 2008 h. – da 100 tys.ton. Paŭstaje zadača pošuku novych rynkaŭ zbytu.
17.01.2007 / 23:13
Abjomy pastavak biełaruskaha cukru ŭ Rasieju skarociacca: u hetym hodzie Biełaruś pastavić uschodniaj susiedcy 180 tys.t, a ŭ 2008 h. – 100 tys.t Takim staŭ vynik pieramovaŭ pamiž vice‑premjeram Biełarusi Ivanam Bambizam i ministram sielskaj haspadarki Rasiei Alaksiejem Hardziejevym. Adpaviednaja damova budzie padpisanaja ŭ bližejšy čas.
Ivan Bambiza patłumačyŭ, što takija abmiežavalnyja ŭmovy biełaruski bok prymaje dobraachvotna. Rasiejski ministar paabiacaŭ, što hetaje pahadnieńnie zdymaje ŭsie abmiežavańni dla biełaruskaha cukru na rasiejskaj mytni. Na jaho dumku, vyznačany abjom pastavak vyklučaje nieabchodnaść pravierak na pachodžańnie cukru.
Aficyjna abvieščana, što baki pryjšli da ŭzajemavyhadnaha rašeńnia. Adnak ličby sami havorać za siabie: u 2006 h. u Rasieju planavałasia pastavić 370 tys.t. cukru, na 2007 h. Biełaruskaja cukrovaja kampanija zaklučyła damovy z rasiejskimi kampanijami na pastaŭku 350 tys.t. cukru. Takim čynam abjom pastavak praz hod skarocicca amal u 4 razy.
Na siońnia zapasy cukru na składach biełaruskich cukravarniaŭ nabližajucca da 400 tys. t. Paŭstaje zadača pošuku novych rynkaŭ zbytu.
2007-01-17 14:12:24
U ich biaruć udzieł vice‑premjer uradu Biełarusi Ivan Bambiza i ministar sielskaj haspadarki Rasiei Alaksiej Hardziejeŭ. Miarkujecca abmierkavać prablemu pastavak ajčynnaha cukru ŭ Rasieju dy inšyja pytańni dvuchbakovaha supracoŭnictva. Nahadajem, što ad 29 śniežnia minułaha hodu rasiejskaja mytnia całkam prypyniła afarmleńnie biełaruskaha cukru.
Biełaruskija vytvorcy cukru z nadziejaj čakajuć pazytyŭnaha vyrašeńnia prablemy. Inakš ich čakajuć prastoi i niepaźbiežnyja materyjalnyja straty. Słucki rafinadny kambinat, naprykład, na ŭnutranym rynku realizuje kala pałovy svajoj pradukcyi. Pry najhoršym varyjancie ŭžo 10 lutaha jon moža prypynić pracu.
Ahulnaj dla ŭsich biełaruskich cukrovych kambinataŭ jość prablema syraviny. Niezvyčajna ciopłaja zima pryviała da taho, što cukroviki masava psujucca.