Śpiekulacyjny rost biełaruskaha rubla ŭ vilenskim abmieńniku

Za dalar dajuć 6150 rubloŭ, za jeŭra — 8700. Jak i na čornym rynku ŭ Minsku, paśla dvuchtydniovaha padzieńnia ŭ banku Citadelle pajšła hulnia na rost rubla.

07.09.2011 / 10:31

Rubiel u papularnym vakzalnym abmieńniku Citadelle ŭ Vilni ŭmacoŭvajecca prosta na vačach. Jašče ŭranku za dalar davali 7000 rubloŭ, a ad 10.00 — užo tolki 6150. Pry hetym jeŭra skuplajuć za 8700.

Kurs rubla zastajecca krajnie niestabilnym. Tamu roźnica miž canoj prodažu i kupli hihanckaja. Na 10.00 dalar možna było nabyć za 8820, jeŭra — za 12300 rubloŭ. Kurs prodažu vyhladaje realnym, a kurs kupli — śpiekulacyjna nizkim.

Kurs rubla na sajcie-abmieńniku Prakapovi.č taksama raście, ale pavalniej. Za apošnija sutki jon uźniaŭsia tut prykładna na 1%. Ciapier siaredni kurs składaje 8600 za dalar, 12200 za jeŭra.

Kurs čornaha rynku najaŭnaj valuty ŭ Minsku pa stanie na viečar aŭtorka byŭ prykładna na tym ža ŭzroŭni.

Siarhiej Hiezhała