Maŭklivyja akcyi pratestu piarojduć z płoščaŭ na praśpiekty
Ruch «Revalucyja praz sacyjalnuju sietku» abviaściŭ umovy pieršaj vosieńskaj akcyi maŭklivaha pratestu.
08.09.2011 / 00:06
Pieršaja takaja akcyja adbudziecca ŭ sieradu 21 vieraśnia. Płanujecca,
što ŭ hety dzień z 19.00 da 20.00 centralnyja praśpiekty ŭsich bujnych biełaruskich haradoŭ pavinny zapoŭnicca «ludźmi, jakija mirna hulajuć i nie ažyćciaŭlajuć nijakich supraćpraŭnych dziejańniaŭ».
Adzin z arhanizataraŭ akcyj Viačasłaŭ Dzijanaŭ u intervju UDF.BY paviedamiŭ, što «buduć abranyja ŭčastki na hałoŭnych praśpiektach albo vulicach haradoŭ, dzie buduć kancentravacca pratestoŭcy»:
«Heta značyć, hetym razam vybranaja nie kankretnaja płošča,
a niejki ŭčastak na hałoŭnaj vulicy.Bolš detalovaja i padrabiaznaja infarmacyja ab kožnym horadzie budzie apublikavanaja na našych staronkach u internecie krychu paźniej.
Prapanova ab takoj taktycy mierapryjemstva była ahučanaja davoli daŭno, jašče miesiaca paŭtara tamu. My hladzieli, dzie pravodzilisia akcyi da hetaha, dzie milicyi składaniej za ŭsio adroźnić udzielnikaŭ ad prostych minakoŭ.
Była zroblenaja vysnova, što mienavita na vulicy, na tratuarach składaniej za ŭsio zatrymlivać ludziej.
Ja liču, što akcyi pravodzić treba. Ciapier stanovišča nakalajecca. I nichto, nivodzin analityk, nivodzin ekśpiert, nie moža sprahnazavać, kolki i jakija ludzi vyjduć. Nichto nie moža sprahnazavać, kali zapalicca hetaja iskra, kali ludzi pačnuć štodnia vychodzić, biez
Ciarpieńnie ŭ narodu jašče jość, ale Łukašenka ŭžo pierajšoŭ usie mahčymyja hrani, i rana ci pozna ŭsio abryniecca. Kab byŭ katalizatar narodnaha pratestu i niazhody, treba pravodzić akcyi. Kali ich nie budzie, to nie budzie ŭ ludziej zapału i iskry».
Užo viadoma, što ŭ Minsku akcyja 21 vieraśnia projdzie na praśpiekcie Niezaležnaści.