Kiraŭnik NCHŁ vykazaŭ spačuvańni

08.09.2011 / 01:04

Kamisijanier (kiraŭnik) Nacyjanalnaj chakiejnaj lihi Hary Betmien vykazaŭ spačuvańni ŭ suviazi z hibiellu jarasłaŭskaha «Łakamatyva».

«Choć heta adbyłosia za tysiačy mil ad našych aren, heta trahiedyja pryviała da katastrafičnych strat dla suśvietnaha chakieja, uklučajučy siamju NCHŁ, jakaja straciła hetulki baćkoŭ, synoŭ, tavaryšaŭ pa kamandzie i siabroŭ, jakija ŭ svoj čas vyznačylisia ŭ našaj lizie. Našy samyja hłybokija spačuvańni siemjam i blizkim usich zahinułych», — pryvodzić słovy Betmiena sajt NCHŁ.

Biełaruski abaronca Rusłan Salej, jaki znachodziŭsia na borcie paciarpiełaha katastrofu samalota Jak-42, hulaŭ u kłubach NCHŁ «Anachajm», «Fłaryda», «Kałarada» i «Detrojt». Pravioŭ 912 hulniaŭ rehularnaha siezona NCHŁ, u jakich nabraŭ 204 (45+159) ački.

BiełaPAN