Na «Minsk-Arenie» projdzie viečaryna pamiaci jarasłaŭskaha «Łakamatyva»

Udzieł budzie brać Łukašenka.

08.09.2011 / 13:43

Na «Minsk-Arenie» 8 vieraśnia projdzie viečaryna pamiaci zahinułaha ŭ avijakatastrofie jarasłaŭskaha «Łakamatyva». Mierapryjemstva pačniecca ŭ 19.00 — zamiest admienienaha matču čempijanatu KCHŁ «Dynama» (Minsk) — «Łakamatyŭ».

Čakajecca, što žałobnaja cyrymonija budzie praciahvacca kala 50 chvilin, u joj budzie brać udzieł Alaksandr Łukašenka. Na 15-tysiačnuju arenu ŭvachod budzie volny, adnak pryjarytet na trybunach majuć balelščyki, jakija kupili bilet na hulniu. Usie srodki, vyručanyja ad prodažu biletaŭ, buduć pieraličanyja «Łakamatyvu».

Kala «Minsk-Areny» pryspuščanyja ściahi, ludzi niasuć kvietki i śviečki. Start čempijanatu Kantynientalnaj chakiejnaj lihi adkładzieny da 12 vieraśnia. Vyrašajecca pytańnie ab vystupleńni «Łakamatyva» ŭ čempijanacie. Chutčej za ŭsio, kamanda budzie ŭkamplektavanaja chakieistami inšych kłubaŭ, uklučajučy tych, chto raniej vystupaŭ u Jarasłaŭli.