U Šviecyi pjanaha łasia źniali ź jabłyni
08.09.2011 / 14:18
Viarnuŭšysia ŭ minuły aŭtorak dadomu, žychar horada Sara pad Hioteborham, pabačyŭ u susiedskim sadzie łasia, jaki zachras pamiž halinak jabłyni.
Na ziamlu źvisała tolki adna naha žyvioliny.
Miarkujučy pa ŭsim, łoś najeŭsia hniłych jabłyk, što lažali na ziamli, zachmialeŭ i palez pa novuju porcyju na dreva. U pracesie dastavańnia, jon astupiŭsia i pavis na drevie.
Pryjšłosia vyklikać pažarnych. Apynuŭšysia na ćviordaj pavierchni, łoś bieź sił pavaliŭsia na ziamlu i tak praspaŭ da ranicy. Paśla čaho, miarkujučy pa vyhladzie - pakutujučy ad pachmiella, pabryŭ dadomu.
Łasi na padpitku nie redkaść u asieńniaj Šviecyi, na ziamli valajecca šmat hniłych i pierabradziłych jabłyk, jakimi łasi z radaściu łasujucca.