Niaklajeŭ vyklikany ŭ sud dla «ŭstanaŭleńnia dadatkovych abmiežavańniaŭ»
08.09.2011 / 15:51
Były kandydat u prezidenty Biełarusi Uładzimir Niaklajeŭ vyklikany na 10.00 9 vieraśnia ŭ sud Leninskaha rajona Minska dla «ŭstanaŭleńnia dadatkovych abmiežavańniaŭ».
«Jany i tak mianie abmiežavali va ŭsim, u čym mahli, ale hetaha, vidać, mała, — zajaviŭ palityk. — Nie viedaju, čym i jak jany źbirajucca abmiežavać mianie dadatkova: mabyć, pasprabujuć paviazać mianie pa rukach i pa nahach, kab ja nidzie ni z kim nie moh sustrakacca. Dumaju, zaŭtrašniaje sudovaje pasiadžeńnie projdzie ŭ takim klučy».
Niaklajeŭ paviedamiŭ, što ŭ jaho ŭžo jość adno papiaredžańnie prakuratury za parušeńnie režymu adbyćcia pakarańnia — pajezdku za miažu. «Ale,
ale, naprykład, na chatni aryšt jon pahadžacca nie maje namieru. «Na toje, kab u maim domie dniom i nočču haspadaryli ludzi sa zbrojaj, kab pad vartaj znachodziŭsia nie tolki ja, ale i maja žonka, ja nikoli bolš nie pahadžusia. Chaj lepš adpraviać mianie ŭ turmu», — zajaŭlaje palityk.Eks-kandydat u prezidenty nie viedaje, pra jakija mienavita abmiežavańni pojdzie havorka ŭ sudzie,
20 maja sud Frunzienskaha rajona Minska pryznaŭ Uładzimira Niaklajeva vinavatym na padstavie č. 1 art. 342 Kryminalnaha kodeksa (arhanizacyja i padrychtoŭka dziejańniaŭ, jakija hruba parušajuć hramadski paradak, abo aktyŭny ŭdzieł u ich) i pryhavaryŭ palityka da dvuch hadoŭ pazbaŭleńnia voli z adterminoŭkaj pryhavoru na dva hady. Niaklajeŭ pavinien rehularna adznačacca ŭ milicyi, viartacca damoŭ nie paźniej za 22.00, infarmavać milicyju pra svaje pajezdki.