«Brestintertrans» šukaje pakupnika na svaje akcyi
09.09.2011 / 12:33
Pavodle infarmacyi, raźmieščanaj u žniŭni ŭ kacirovačnaj sistemie Biełaruskajvalutna-fondavaj biržy (BIEKAS), aŭtapieravozčyki hatovyja pradać 49,77% svaich akcyj minimum za 843,1 tys. dalaraŭ.
Kampanija, centralny ofis i baza jakoj raźmiaščajecca ŭ Breście, źjaŭlajecca adnym z najstarejšych apierataraŭ na rynku hruzapieravozak Biełarusi. Svaje pasłuhi jana prapanuje ŭžo zvyš 40 hadoŭ, mižnarodnyja aŭtapieravozki ažyćciaŭlaje z 1991 hoda. «Brestintertrans» źjaŭlajecca zasnavalnikam i členam Biełaruskaj asacyjacyi mižnarodnych aŭtamabilnych pieravozčykaŭ (BAMAP).
Filijały «Brestintertransa» znachodziacca ŭ Baranavičach, Pinsku i Kobrynie. Pa vynikach 2009 vyručka kampanii skłała 3,756 młrd. rubloŭ, stratu — 420 młn. rubloŭ. Pa vynikach 2010 hoda — vyručka 4,278 młrd. rubloŭ, prybytak 375 młn. rubloŭ.