Джып пратараніў канкурэнта і закінуў ва ўваход метро

Hyundai Santa Fe і Honda Fit сутыкнуліся на скрыжаванні праспекта Незалежнасці і вуліцы Макаёнка. + Фоты.

16.09.2011 / 09:56

Паводле словаў відавочцаў, адна з машын праехала на чырвоны сігнал святлафора. Пасля магутнага ўдару аўто выкінула да выхаду з метро на тратуар. У няроўнай бітве машыны атрымалі сур’ёзныя пашкоджанні і пазбавіліся бампераў.

Не пашанцавала 20-гадовай уладальніцы Honda Fit — яе даставілі ў бальніцу хуткай дапамогі, паведамляе карэспандэнт тэлекампаніі «Сталічнае тэлебачанне».

Нагадаем, што напрыканцы красавіка 2011 года на гэтым самым перакрыжаванні адбылася падобная аварыя. Яе зафіксаваў відэарэгістратар выпадковага аўто.