У Вялікабрытаніі паліцыя пачала расследаванне баёў без правілаў сярод дзяцей пяці-васьмі гадоў
22.09.2011 / 10:41
У Англіі разгараецца скандал, звязаны з баямі без правілаў, у якіх удзельнічалі дзеці ад 5 да 8 гадоў.Баі, знятыя на відэа, былі арганізаваныя ў адным з клубаў Прэстана (Greenlands Labour Club) і праходзілі па правілах змяшаных адзінаборстваў, але з абмежаваннямі ва ўдарнай тэхніцы, піша The Sun.
Брытанская медыцынская асацыяцыя ўжо забараніла правядзенне гэтых камерцыйных спаборніцтваў, а паліцыя пачала расследаванне.
«Ніхто з іх не падвяргаецца небяспецы, — сказаў бацька аднаго з малалетніх байцоў. — Нішто не можа пашкодзіць удзельнікам паядынку».
Уладальнік клуба,
«Пачатковы ўзрост удзельнікаў — пяць гадоў. Усе грунтуецца на барацьбе. Да 14–15 гадоў ўдары забароненыя», — сказаў Найтынгейл, сам прафесійны баец змяшаных адзінаборстваў, і дадаў, што такія баі набіраюць папулярнасць. На пытанне пра дзіця, якое плача падчас аднаго з баёў, Найтынгейл адказаў: «Хлопец проста ніколі не прайграваў, і калі ўпершыню адчуў горыч паразы, эмоцыі адолелі яго».
Брытанская медыцынская асацыяцыя асудзіла дзіцячыя баі без правіл: «Мы выступаем супраць баёў у клетцы. Аднак такія баі сярод дзяцей выклікаюць асаблівую трывогу».