24-гадовы хлопец скочыў на рэйкі ў метро «Кастрычніцкая». Пасажыры выцягнулі яго назад

Абышлося.

18.10.2011 / 09:38

Сталічная міліцыя праводзіць праверку па факце інцыдэнту, што адбыўся 17 кастрычніка на першай лініі метрапалітэна.

У 14.41 на станцыі метро «Кастрычніцкая» на рэйкі скочыў 24-гадовы мінчанін. Малады чалавек не пацярпеў. Праз некалькі секунд пасля скачку з дапамогай пасажыраў ён зноў выбраўся на платформу і быў дастаўлены ў пакой міліцыі.

Зараз супрацоўнікі міліцыі высвятляюць акалічнасці здарэння, а таксама ўдакладняюць матывы, якімі кіраваўся малады мужчына.

Рух электрацягнікоў Мінскага метрапалітэна не абмяжоўваўся.