Незаконна купляў і прадаваў зямельныя ўчасткі

01.11.2011 / 11:49

Дэпартамент фінансавых расследаванняў Камітэта дзяржаўнага кантролю распачаў крымінальную справу ў дачыненні да жыхара Мінскага раёна, які, не маючы ліцэнзіі на аказанне рыэлтарскіх паслуг, скупляў і прадаваў зямельныя ўчасткі.

Як паведаміла прэс-служба КДК, мінскім міжраённым аддзелам упраўлення Дэпартамента фінансавых расследаванняў Камітэта дзяржаўнага кантролю па Мінскай вобласці і г. Мінску распачатая крымінальная справа ў дачыненні да 25-гадовага жыхара Мінскага раёна, які ажыццяўляў незаконную прадпрымальніцкую дзейнасць, звязаную з набыццём і рэалізацыяй аб’ектаў нерухомасці.

Работнікі фінансавай міліцыі сумесна з супрацоўнікамі органаў унутраных справаў высветлілі, што дадзены грамадзянін цягам апошніх трох гадоў

ажыццяўляў куплю зямельных участкаў, потым кансерваваў будынкі, знаходзіў купцоў і рэалізоўваў участкі. З мэтай ухілення ад выплаты падаткаў участкі прадаваў па даверанасці або ад імя ўласнікаў нерухомасці.

Агулам стала вядома пра 6 фактаў рэалізацыі зямельных участкаў з закансерваванымі будынкамі. У выніку незаконнай прадпрымальніцкай дзейнасці махляр атрымаў больш за 321 млн рублёў.