Žachlivaja avaryja ŭ Anhlii: paśla sutyknieńnia troch dziasiatkaŭ aŭto ŭspychnuŭ pažar, zahinuli 7 čałaviek

Paciarpiełych — kala paŭsotni čałaviek. Trahiedyja zdaryłasia na trasie M5.

06.11.2011 / 10:58

Bujnoje DTZ z udziełam 34 aŭtamabilaŭ na paŭdniovym-zachadzie Vialikabrytanii zabrała žyćci siami čałaviek. 51 čałaviek paciarpieŭ, paviedamiła miascovaja palicyja.

Avaryja adbyłasia ŭ piatnicu, prykładna ŭ 20:30 pa miascovym časie. Bolš za dva dziesiatki lehkavych mašyn i šeść hruzavikoŭ — u ahulnaj składanaści 34 aŭtamabila — sutyknulisia na šašy M5 ŭ hrafstvie Somierset, na paŭdniovym-zachadzie Anhlii.

U vyniku avaryi paŭstaŭ mocny pažar. Pa słovach palicyjantaŭ i vidavočcaŭ zdareńnia, na šašy ŭtvaryŭsia «vohnienaja vichura».

Avaryjnyja słužby pakul ničoha nie kažuć ab pryčynach avaryi, adnak raniej paviedamlałasia pra mocny doždž i tuman u hetym rajonie.

Pavodle Bi-Bi-Si