У Малдове забаранілі курэнне ў прысутнасці дзяцей

25.11.2011 / 10:05

У Малдове будзе ўведзена забарона на курэнне ў памяшканнях і прыватных транспартных сродках, у якіх знаходзяцца непаўналетнія, а таксама на продаж алкаголю ў грамадскіх забаўляльных месцах, месцах грамадскага харчавання, гандлёвых пунктах з 22.00 да 9.00.

Гэта прадугледжваюць папраўкі ў заканадаўства, якія ўхвалілі 24 лістапада дэпутаты малдаўскага парламента на сваім пленарным пасяджэнні.

Як адзначыла адзін з аўтараў законапраекта, віцэ-старшыня парламента Ліліяны Паліховіч, забарона на курэнне ў памяшканнях і прыватных транспартных сродках у прысутнасці непаўналетніх ўводзіцца для аховы здароўя дзяцей ад безадказнасці бацькоў, якія паляць у іх прысутнасці.

Забарона на продаж алкаголю ў грамадскіх забаўляльных месцах, грамадскага харчавання, гандлёвых пунктах з 22.00 да 9.00 уводзіцца для ўзмацнення жорсткасці захадаў барацьбы з курэннем і распіццём спіртных напояў, у тым ліку ў грамадскіх месцах.