Biełaruś na miažy lekavaha «defołtu»
28.11.2011 / 10:49
Biełarusi daviadziecca albo skaračać kolkaść impartnych preparataŭ, što zakuplajucca dla chvorych za dziaržaŭny košt, albo vyłučać na hetyja mety dadatkovyja srodki, zdolnyja kampiensavać inflacyju.
Sumy, zapłanavanaj Biełaruśsiu na zakupku impartnych lekavych srodkaŭ, nie chopić, kab u poŭnym abjomie zabiaśpiečyć patrebnaści nasielnictva.
Takoje mierkavańnie vykazaŭ dyrektar Centra markietynhavych daśledavańniaŭ «Farmekśpiert» Alaksiej Prachin.
Tłumačycca hetaja sumnaja pierśpiektyva devalvacyjnyja pracesami. Bo biudžet na zakupku impartnych miedpreparataŭ raźličvaŭsia ŭ rublach pa cenach, jakija dziejničali na momant jaho farmavańnia.
U jakaści hałoŭnaha sposabu rašeńnia hetaj prablemy siońnia časta razhladajuć impartazamiaščeńnie. Adnak na dumku śpiecyjalista, jano nie zdolnaje całkam zakryć dzirki, jakija ŭźnikli ŭ sistemie lekavaha zabiaśpiečańnia krainy.
— Kali kazać pra impartnyja preparaty masavaha spažyvańnia, to ich zamianić anałahami ajčynnaj vytvorčaści dosyć prosta, — kaža Alaksiej Prachin. — A voś sučasnyja inavacyjnyja preparaty — praktyčna niemahčyma.
Častka ź ich abaronienaja patentami, častka vielmi składanaja ŭ vytvorčaści i patrabuje vielizarnych vydatkaŭ.
A mienavita takija leki siońnia vykarystoŭvajucca dla špitalnaha lačeńnia šmatlikich ciažkich zachvorvańniaŭ, u pieršuju čarhu ankałahičnych.
Pavodle słovaŭ śpiecyjalista, śpis takich žyćciova važnych preparataŭ u Biełarusi ŭžo byŭ sfarmavany z ulikam asartymientu ajčynnych vytvorcaŭ i mahčymaściaŭ impartazamiaščeńnia.
— Ni adna kraina śvietu nie moža abyścisia bieź impartu miedpreparataŭ, i Biełaruś tut nie vyklučeńnie, — kaža Alaksiej Prachin. — Suśvietny farmaceŭtyčny rynak daŭno syšoŭ daloka napierad. Dahnać bujnyja farmaceŭtyčnyja karparacyi, jakija vałodajuć vielizarnymi biudžetami, adna paraŭnalna nievialikaja dziaržava z dosyć maładoj farmaceŭtyčnaj pramysłovaściu prosta nie ŭ stanie.
Viadoma, ajčynnyja anałahi niekatorych impartnych lekaŭ
— Kali, da prykładu, ankałahičnych chvorych pieraviaduć na mienš sučasnyja i mienš efiektyŭnyja preparaty, śmiarotnaść u respublicy pa asobnych hrupach zachvorvańniaŭ moža značna ŭzraści,— ličyć Alaksiej Prachin.
Takim čynam, chutka naładzić vytvorčaść anałahaŭ darahich miedpreparataŭ u toj jakaści, abjomie i asartymiencie, kab całkam zamianić impart, u Biełarusi niemahčyma.
A źmianšeńnie abjomaŭ zakupki darahich impartnych miedykamientaŭ vyklikaje šerah składanych pytańniaŭ, u tym liku i etyčnaha charaktaru.
— Niezrazumieła, jak buduć raźmiarkoŭvacca hetyja leki pamiž chvorymi,— razvažaje Alaksiej Prachin. — Naprykład, jaki kryter patrebnaści budzie ŭstalavany siarod chvorych na ankałohiju, dzie daktary apierujuć katehoryjami hadavoj vyžyvalnaści?
Pavodle jaho słovaŭ,
takoje rašeńnie ŭdaryć pa nasielnictvie vielmi mocna.
— U Biełarusi suma vydatkaŭ na leki na adnaho čałavieka i tak składała 70 dalaraŭ, u toj čas jak u Rasii jana dasiahała 100, a ŭ Japonii — kala 600 dalaraŭ, — kaža śpiecyjalist. — My navat nie nablizilisia da taho ŭzroŭniu spažyvańnia lekavych srodkaŭ, jaki charakterny dla raźvitych krain.
Jon ličyć, što srodki dla zakupki miedpreparataŭ u raniejšych abjomach pavinnyja adšukvacca ź biudžetu pry luboj situacyi:
— Ekanomija na krytyčnym imparcie, jakim i źjaŭlajucca niezamiennyja darahija lekavyja preparaty, — heta svojeasablivy defołt i rezki adkat jakaści žyćcia nasielnictva daloka nazad. Kali impart lekavych srodkaŭ u Biełarusi skaracić z 75% chacia b da 50, heta moža pryvieści da sacyjalnaj katastrofy.
Alaksiej Prachin ličyć, što zamiest taho kab skaračać dziaržzakupki impartnych preparataŭ, Biełarusi treba pasprabavać aptymizavać vydatki na ich:
— Naprykład, kali kansalidavać pastaŭki ŭ krainu preparataŭ, heta značyć uzbujnić partyi, ich košt moža źnizicca da 20%. Akramia taho, za košt uzbujnieńnia pastavak možna značna pamienšyć vydatki na mytniu i łabaratoryju. Ale dla hetaha nieabchodna pracavać nad udaskanaleńniem łahistyki zakupak, staranna vyvučać stan rynku i adsočvać jaho dynamiku.