Ščotkina: Zarobki pavyšać nie buduć, štrafy — tak
Pavyšać pamier staŭki pieršaha razradu nie płanujecca.
06.12.2011 / 11:25
Ministr pracy i sacyjalnaj abarony Biełarusi Maryjana Ščotkina zajaviła žurnalistam, što taryfnaja staŭka pieršaha razradu, a adpaviedna i zarobki ŭ biudžetnaj sfery pierahladacca nie buduć.
Razam z tym, pavodle jaje słovaŭ, Minfin razhladaje pytańnie ab pavieličeńni bazavaj vieličyni. Maryjana Ščotkina zhadała, što ciapierašni pamier bazavaj vieličyni (35 tysiač rubloŭ) nie mianiajecca ŭžo vielmi daŭno, a ź joj źviazana apłata arendy, štrafaŭ i inšaha. «Tamu tut jość nad čym padumać», — skazała Ščotkina.
Jana pradstaviła ŭ pałacie pradstaŭnikoŭ źmianieńni i dapaŭnieńni ŭ zakon ab zaniataści nasielnictva. Imi praduhledžvajecca, što stypiendyja padčas navučania novaj prafiesii budzie składać ad 2 da 8 bazavych vieličyniaŭ u miesiac. Deputaty prahałasavali za toje, što ciapier biespracoŭnym ustanaŭlivajecca šerah abaviazkaŭ, u tym liku samastojny pošuk pracy. Usiaho ŭ Biełarusi afcyjna zarehistravana 30 tysiačaŭ biespracoŭnych.