Darafiejevu prakinuli mima «Jeŭrabačańnia»: Vyznačanyja 15 paŭfinalistaŭ «Jeŭrafesta»

U tym liku — Hiunieš, Litesound, Viktoryja Aleška. Nie prajšli adboru Nina Bahdanava, Drazdy, Iskui Abalan.

06.12.2011 / 12:55

Vyznačanyja 15 udzielnikaŭ maštabnaha televizijnaha muzyčnaha prajekta Biełteleradyjokampanii «Jeŭrafest», jaki źjaŭlajecca nacyjanalnym adboračnym turam mižnarodnaha konkursu pieśni «Jeŭrabačańnie», paviedamiŭ siońnia žurnalistam kiraŭnik prajekta, narodny artyst Biełarusi Alaksandr Cichanovič,.

Padčas pieršaha etapu prajekta ŭ Biełteleradyjokampaniju pastupiła 115 zajavak ad vykanaŭcaŭ, ź jakich prafiesijnaje žury adabrała 15 artystaŭ. Imi stali hrupy

Thriller, Litesound, Nuteki, The Champions, «Ekivoki», Hiunieš, Anastasija Vińnikava, Juzary, Hanna Błahava, Hierman, duet Alaksandry Hajduk i Natalli Bałdzinaj, Jan Ženčak i hrupa Outerplan, Alona Łanskaja, Aŭra, Viktoryja Aleška.

U paŭfinale, jaki płanujecca pravieści 21 śniežnia na telekanale «Biełaruś 1», žury i telehledačy abiaruć nie bolš za 5 finalistaŭ. Finał prajekta adbudziecca ŭ studzieni 2012 hoda. Pieramožca, jaki pradstavić Biełaruś na «Jeŭrabačańni-2012» u Azierbajdžanie, budzie vyznačany pa tradycyjnaj formule zhodna z praviłami konkursu: pa vynikach hałasavańnia hledačoŭ i acenak žury. Z momantu startu prajekta ŭ teleefiry vychodziać dziońniki nacyjanalnaha adboru.

U hetym «Jeŭrafeście» taksama ŭdzielničali Viera Karetnikava i hurt «Ciahni-šturchaj», Lena Vałošyna, Nina Bahdanava, «Drazdy», Hieorhij Kałdun, Iryna Darafiejeva, Vieniera, Iskui Abalan, Ivan Busłaj i inšyja viadomyja i nie nadta ŭ Biełarusi artysty.

U skład žury ŭvajšli Ina Afanaśjeva, Alaksiej Chlastoŭ, Alaksandr Cichanovič, Anatol Jarmolenka, Mikałaj Skorykaŭ, kampazitary Juryj Vaščuk, Leanid Šyryn i Jaŭhien Alejnik, chareohraf Alaksandr Miaženny i pradziusier Dźmitryj Baranaŭ.

BiełTA