U Bruseli abmiarkujuć šlachi transfarmacyi Biełarusi

07.12.2011 / 11:08

7 śniežnia 2011 h. u Bruseli projdzie ekśpiertnaja kanfierencyja pad nazvaj «Transfarmavańnie Biełarusi: šlachi dasiahnieńnia»,
arhanizavanaja supolnymi namahańniami navukovaha centra «Karnehi Jeŭropa», «Ofisa za demakratyčnuju Biełaruś» i Biełaruskaha instytuta stratehičnych daśledavańniaŭ.

Udzielniki forumu abmiarkujuć palityku ES u dačynieńni da Biełarusi ŭ śviatle apošnich padziej u krainie. Jeŭrakamisar pa pytańniach pašyreńnia i jeŭrapiejskaj palityki dobrasusiedstva Štefan Fiule prapanuje svajo bačańnie ciapierašniaj stratehii ES i praanalizuje jaje pierśpiektyvy na pośpiech.

Padčas dźviuch siekcyjaŭ viadomyja biełaruskija i jeŭrapiejskija ekśpierty, uklučajučy dyrektara Biełaruskaha ekanamičnaha daśledča-adukacyjnaha centra Paŭła Danejku, starejšaha navukovaha supracoŭnika Finskaha instytuta mižnarodnych adnosin Arkadzija Mošesa, Akademičnaha dyrektara Biełaruskaha instytuta stratehičnych daśledavańniaŭ Alaksieja Pikulika, starejšaha daśledčyka Biełaruskaha instytuta stratehičnych daśledavańniaŭ Dzianisa Mieljancova, dyrektara daśledčaha centra Instytuta pryvatyzacyi i menedžmentu Alaksandra Čubryka i ekśpierta ŭ ekanamičnych pytańniaŭ Źmitra Kruka, a taksama dyrektara sacyjałahičnaj łabaratoryi NOVAK Andreja Vardamackaha, abmiarkujuć palityčnuju i ekanamičnuju situacyju ŭ Biełarusi i jaje ŭzajemaadnosiny z Rasijaj i ES.