Chitryja litoŭcy: Dla žurnalista ANT Michalčanki zrabili vyklučeńnie

07.12.2011 / 11:45

Dla žurnalista telekanała ANT Alaksieja Michalčanki, uklučanaha ŭ śpis asobaŭ, jakim zabaronieny ŭjezd na terytoryju Jeŭrasajuza, było zroblena vyklučeńnie «ŭ suviazi z važnaściu» 8-j siesii Savieta ministraŭ zamiežnych spraŭ (SMZS) ABSIE, jakaja prachodzić 6–7 śniežnia ŭ Vilni.

Tak krynica ŭ MZS Litvy prakamientavała toj fakt, što nieŭjazny Michalčanka akredytavany dla aśviatleńnia siesii SMZS ABSIE.

Pa słovach surazmoŭcy, z nahody Michalčanki pravodzilisia kansultacyi, pa vynikach jakich było vyrašana dazvolić jamu pryjechać u Vilniu.

Pradstaŭnik MZS udakładniŭ: farmujučy śpisy nieŭjaznych,

ES pakidaje za saboj prava ŭ vyklučnych vypadkach dazvalać ujezd na svaju terytoryju ŭklučanym u hetyja śpisy asobam.