U Minsku 10 śniežnia startuje «antypietardnaja» śpiecapieracyja

07.12.2011 / 14:04

Baraćbu ź nielehalnymi handlarami pietardami i inšaj piratechnikaj supracoŭniki minskaj milicyi buduć pravodzić sumiesna z kalehami z haradskich padraździaleńniaŭ MNS i padatkovaj inśpiekcyi.

Jak paviedamiła pres-słužba HUUS Minharvykankama, štodzionna na dziažurstva pa baraćbie ź nielehalnymi «piramanami» buduć zastupać mabilnyja hrupy ź liku supracoŭnikaŭ rajonnych UUS stalicy i milicejskaha śpiecnaza.

Pry vyjaŭleńni parušeńniaŭ u hetaj śfiery vinavatyja mohuć być pryciahnutyja da administracyjnaj adkaznaści pa častcy 8 artykuła 12.17 (parušeńnie praviłaŭ handlu i akazańnia pasłuh nasielnictvu) i artykule 23.48 (parušeńnie pravił abychodžańnia z ahniastrelnaj zbrojaj, vybuchovaniebiaśpiečnymi, pałkimi, jedkimi rečyvami abo piratechničnymi vyrabami) Kodeksa ab administracyjnych pravaparušeńniach. U hetym vypadku im pahražaje štraf. Akramia hetaha, uvieś tavar, kanfiskavany ŭ padpolnaha raspaŭsiudžvalnika piratechniki, padlahaje nastupnamu źniščeńniu.