Surjoznaja avaryja na MKAD: «Haziel» sutyknułasia z BMW i pierakuliłasia
Pavodle papiaredniaj infarmacyi, paciarpieła piać čałaviek.
12.12.2011 / 19:57
Fota Auto.onliner.by.
Fota Auto.onliner.by.
Jak paviedamlaje partał Auto.onliner.by, na MKAD u rajonie pierasiačeńnia z vulicaj Šaranhoviča adbyłasia surjoznaja avaryja z udziełam mikraaŭtobusa «Haziel» i lehkavika BMW. Pavodle infarmacyi partała, «Haziel» pieramiaščałasia ź siaredniaha šeraha ŭ krajni levy i pry hetym nie prapuściła lehkavik. Aŭtamabili sutyknulisia, paśla čaho miraaŭtobus prataraniŭ aharodžu, vyjechaŭ za miežy prajeznaj častki i trojčy pierakuliŭsia. Pavodle papiaredniaj infarmacyi, u avaryi paciarpieła piać čałaviek. Jany atrymali pierałomy. Usie jany — pasažyry «Hazieli». Usiaho ŭ mikraaŭtobusie było siem čałaviek. Heta supracoŭniki budaŭničaj arhanizacyi.
Partał pryvodzić śviedčańni ŭdzielnikaŭ zdareńnia. Pa słovach kiroŭcy «Hazieli», jon vyrašyŭ apiaredzić lehkavik, jaki jechaŭ pierad im. U lusterka zadniaha vidu pabačyŭ «BMV», ale «na prystojnaj adlehłaści», tamu i navažyŭsia na apiaredžańnie. Jon śćviardžaje, što chutkaść «BMV» była vysokaj.
Kiroŭca lehkavika miarkuje, što nie parušaŭ praviły i mieŭ pieravahu pierad kiroŭcam mikraaŭtobusa.
Chto ź ich maje racyju, stanie viadoma pa vynikach ekśpiertyzy.