Пад Мінскам па-зверску забіты малады таксіст

Здарэнне адбылося ў Калодзішчах, падазраваныя затрыманыя.

15.12.2011 / 12:08

Затрыманыя двое падазраваных у забойстве таксіста ў Калодзішчах, паведамілі ў прэс-службе МУС Беларусі.

Труп таксіста — мінчаніна 1985 года нараджэння — са шматлікімі колата-рэзанымі ранамі ў пасёлку Калодзішчы знайшлі 13 снежня. Праваахоўнікі па гарачых слядах высветлілі, што забіты таксіст прыехаў у пасёлак у той жа дзень. На яго напалі два чалавекі: накінулі на шыю пятлю і сталі біць нажом.

Зараз затрыманыя двое падазраваных: раней судзімы за крадзяжы жыхар Калодзішчаў 1988 года нараджэння і судзімы за прычыненне цяжкіх цялесных пашкоджанняў мінчанін 1977 года нараджэння. Падазраваныя змешчаныя ў ізалятар часовага ўтрымання, вядзецца следства. Па факце забойства заведзена крымінальная справа па п.6 ч.2 арт.139 КК Беларусі (забойства, учыненае з асаблівай жорсткасцю).