Лаўрэатамі прэміі Хартыі'97 сталі палітвязні, іх сем'і і праваабаронцы
19.12.2011 / 09:58
Лаўрэатамі Нацыянальнай прэміі ў галіне абароны правоў чалавека за 2011 год, заснаванай аргкамітэтам грамадзянскай ініцыятывы «Хартыя’97», сталі палітзняволеныя, іх сем’і і праваабаронцы,паведаміла рэдактар сайта charter97.org Наталля Радзіна.
Паводле яе слоў, абвяшчэнне цяперашніх лаўрэатаў прымеркавана да гадавіны жорсткага разгону ў Мінску ўдзельнікаў акцыі супраць фальсіфікацыі вынікаў галасавання на прэзідэнцкіх
«Ніколі не было так складана выбраць лаўрэатаў прэміі, як цяпер. 2011 год адкрыў свету такую колькасць мужных беларусаў, якія гатовы ахвяраваць сваім жыццём і лёсам дзеля свабоды сваёй краіны, што назваць усіх пайменна наўрад ці магчыма.
Таму ўпершыню з моманту заснавання прэміі ў 1998 годзе будуць узнагароджаны не асобныя грамадзяне, а групы людзей»,— сказала Радзіна.
«У 2011 годзе рэпрэсіі ў Беларусі былі найбольш масавымі, — растлумачыла яна прычыну ўключэння ў лік лаўрэатаў палітзняволеных. — Тысячы беларусаў былі арыштаваны за тое, што хацелі змяніць сваё жыццё да лепшага. За кратамі працягваюць знаходзіцца Андрэй Саннікаў, Мікалай Статкевіч, Дзмітрый Бандарэнка, Дзмітрый Дашкевіч, Алесь Бяляцкі, Мікалай Аўтуховіч і інш. Дзясяткі актывістаў прыгавораны да абмежавання волі, яны не могуць выязджаць з краіны і знаходзяцца пад пастаянным наглядам міліцыі і КДБ».
Сем’і палітзняволеных, адзначыла Радзіна, уразілі свет сваёй самаахвярнай любоўю і бясстрашнасцю: «Яны ваююць за сваіх блізкіх так самааддана, што нават гэта дыктатарская сістэма аказалася бяссільнай. Яны вытрымалі націск і запалохванні, яны не проста чакаюць сваіх блізкіх на волі, але змагаюцца, каб гэты час надышоў як мага хутчэй».
Праваабарончыя арганізацыі «працягваюць ратаваць жыцці вязняў сумлення, падтрымліваючы іх сем’і, аказваючы юрыдычную дапамогу і расказваючы свету аб прававым бязмежжы ў Беларусі». «Сіла праваабаронцаў аказалася настолькі вялікай, а іх дзейнасць настолькі важнай, што сёлета малох рэпрэсій абрынуўся і на іх», — сказала Радзіна, нагадаўшы справу Алеся Бяляцкага і Валянціна Стэфановіча. З увядзеннем «новых карных законаў» пад пагрозай поўнага знішчэння апынулася дзейнасць усіх арганізацый, якія працягваюць абараняць у Беларусі правы чалавека, «аднак ніводны праваабаронца не здаўся».
Паводле слоў Наталлі Радзінай, цырымонія ўручэння прэміі пройдзе ў пачатку 2012 года. На яе будуць запрошаны прадстаўнікі ўсіх