Bialackaha pakul nie adpuskajuć raźvitacca z baćkam

Sud Pieršamajskaha rajona Minska nie naležnym čynam aformiŭ dakumienty na spatkańnie asudžanaha Bialackaha z baćkam.

19.12.2011 / 16:32

Sud Pieršamajskaha rajona Minska nie naležnym čynam aformiŭ dakumienty na spatkańnie asudžanaha pravaabaroncy Alesia Bialackaha ź jaho 82-hadovym baćkam, jaki znachodzicca ŭ ciažkaje stanie.

Jak skazała BiełaPAN žonka Bialackaha Natalla Pinčuk, 19 śniežnia sud daŭ dazvoł na spatkańnie Bialackaha, jaki znachodzicca ŭ śledčym izalatary № 8 horada Žodzina, z baćkam. Pavodle jaje słoŭ, u sud było nakiravana adpaviednaje chadajnictva svajakoŭ i miedycynskija dakumienty, jakija śviedčać ciažkaje stan baćki Bialackaha.

Siońnia ž Natalla Pinčuk pryviezła piśmovaje rašeńnie suda ŭ SIZA. «Adnak administracyja SIZA zajaviła, što nie moža vykanać rašeńnie suda — prosta tamu, što ŭ ich niama mahčymaści kanvairavańnia Alesia ŭ Minsk, harantavańnia biaśpieki i hetak dalej. Hetak ža było zajaŭlena, što papiery z suda ab dazvole spatkańnia aformlenyja nienaležnym čynam. U vyniku my viartajemsia ŭ Minsk, u sud Pieršamajskaha rajona, kab atrymać naležnym čynam aformlenyja papiery», — paviedamiła žonka asudžanaha.