Navalny zaklikaŭ hałasavać «suprać hałoŭnaha žulika i złodzieja»

21 śniežnia ŭnačy rasijski błohier vyjšaŭ na svabodu paśla 15 sutak aryštu.

21.12.2011 / 09:41

Fota RIAN.

Jaho zatrymali 5 śniežnia ŭviečary za ŭdzieł u niesankcyjanavanaj akcyi pratestu suprać falsifikacyi vybaraŭ u Dumu.

Navalnoho sustrakali kala sta žurnalistaŭ i adnadumcy, jakija skandavali «Navalny, Navalny».

Z pryčyny aryštu Navalny nie mieŭ mahčymaści zarehistravać svaju inicyjatyŭnuju hrupu, bo termin rehistracyi supaŭ ź jahonym źniavoleńniem. Na pytańnie, ci źbiraŭsia jon bałatavacca ŭ prezidenty na majučych adbycca vybarach, Navalny adkazaŭ, što «adpačatku ličyć vybary 4 sakavika nielehitymnymi, tamu nie bačyć sensu brać u ich udzieł».

Spačatku Navalny byŭ źbity z pantałyku. Jon nie čakaŭ ubačyć dziasiatki videakamier. Adnak jon chutka sabraŭsia z dumkami i vykarystaŭ momant, kab zaklikać da jadnańnia suprać Pucina.

«Ja liču, što ŭ Rasii nieabchodna pravodzić svabodnyja vybary, dzie mohuć zarehistravacca usie achvotnyja», — skazaŭ Navalny.

Havoračy ab stratehii dla pratestavaha elektaratu na vybarach 4 sakavika, Navalny skazaŭ: «Na vybarach u Dziarždumu ja zaklikaŭ hałasavać suprać partyi žulikaŭ i złodziejaŭ.

Ciapier ja zaklikaju hałasavać suprać hałoŭnaha žulika i złodzieja, zaklikaju hałasavać za luboha inšaha kandydata».