Zbyvaŭ «prasłuchoŭku»

Supracoŭniki KDB aryštavali ŭ Homieli dyrektara pryvatnaha pradpryjemstva, jaki niezakonna pradavaŭ śpiecsrodki dla atrymańnia infarmacyi.

03.01.2012 / 11:40

Supracoŭniki KDB zatrymali ŭ Homieli dyrektara adnaho z pryvatnych pradpryjemstvaŭ 1974 hoda naradžeńnia.

Suprać jaho ŭpraŭleńniem KDB pa Homielskaj vobłaści raspačata kryminalnaja sprava na padstavie č. 2 art. 376 KK (niezakonnyja vyrab, nabyćcio abo zbyt srodkaŭ dla publičnaha atrymańnia infarmacyi).

Jak paviedamili ŭ pres-hrupie UKDB, padazrony vykarystoŭvaŭ słužbovyja paŭnamoctvy i niezakonna nabyŭ u metach zbytu, a zatym pradaŭ śpiecyjalnyja techničnyja srodki, pryznačanyja dla tajnaha atrymańnia infarmacyi. Elektronnyja prystasavanńni z funkcyjami fota-, videa- i aŭdyjozapisu, zakamuflavanyja pad aŭtaručki, dyrektar firmy nabyŭ praź internet. Canu adnoj takoj ručki biźnieśmien ustanaviŭ prykładna ŭ 500 tysiač rubloŭ. Pastavić kryminalny biźnies «na patok» jamu pieraškodzili supracoŭniki KDB.

Častka 2 artykuła 376 KK praduhledžvaje pakarańnie ŭ vyhladzie abmiežavańnia voli na termin da čatyroch hadoŭ abo pazbaŭleńnie voli na toj ža termin. Pravodzicca śledstva.

Alena Hiermanovič, BiełaPAN.