U Rahačovie pažaram paškodžany cech pa vytvorčaści profilu i voknaŭ z PVCH +fota

03.01.2012 / 14:15

Fota 112.by

Fota 112.by

Paviedamleńnie pra pažar pastupiła ŭ Rahačoŭski addzieł pa NS 2 studzienia ŭ 07.36. Jak paviedamili ŭ pres-słužbie Homielskaha abłasnoha ŭpraŭleńnia MNS, paśla prybyćcia da miesca vykliku ratavalniki ŭstanavili, što haryć dach, pierakryccie i majomaść unutry cecha, jaki naležyć pryvatnamu pradpryjemstvu «MakRamServis». Vartavaja achova na abjekcie adsutničaje, cech u toj čas nie pracavaŭ. Pažar byŭ likvidavany ŭ 08.25.

Ahniom źniščana draŭlanaje pierakryccie na płoščy 100 kv. mietraŭ i dach pa ŭsioj płoščy budynka, paškodžany ašaloŭka ścien budynka, dzieviać stankoŭ roznaha pryznačeńnia, hatovaja pradukcyja i narychtoŭki. Paciarpiełych niama.

Pryčyna pažaru ŭstanaŭlivajecca. Rabočaja viersija — «zaniasieńnie pabočnaj krynicy zvonku»: nieaściarožnaje abychodžańnie z ahniom abo padpał.