Kamanda Łukašenki nie zmahła vyjhrać u aŭstryjcaŭ na starcie chakiejnaha turniru amataraŭ

04.01.2012 / 23:27

U pieršym tury VIII mižnarodnaha turniru amataraŭ chakieja ŭ Minsku kamanda Alaksandra Łukašenki zhulała ŭničyju 2:2 z kamandaj Aŭstryi, pry hetym viała 2:0.

Na cyrymonii adkryćcia 4 studzienia biełaruski kiraŭnik zajaviŭ, što turnir amataraŭ chakieja na pryz prezidenta zavajavaŭ aŭtarytet i zaniaŭ prestyžnaje miesca ŭ kalendary spartyŭnych hramadskich mierapryjemstvaŭ mnohich krain.

«Pa dobraj tradycyi jon adkryvaje novy spartyŭny hod i źjaŭlajecca svojeasablivaj vizitnaj kartkaj Biełarusi. Jon pa pravie zaviecca nieaficyjnym čempijanatam śvietu siarod amataraŭ i staŭ cudoŭnym śviatam dla balelščykaŭ. Haračyja bieskampramisnyja batalii na minskim lodzie paćviardžajuć hety hanarovy status spabornictvaŭ», — pryvodzić słovy Łukašenki pres-słužba prezidenta.

U sioletnich spabornictvach biaruć udzieł amatary i byłyja prafiesijanały z Aŭstryi, Biełarusi, Kanady, Rasii, Słavienii, Finlandyi, Čechii i Šviecyi.

U 2005, 2006, 2008–2010 hadach turnir vyjhravała kamanda Łukašenki, u 2007-m i 2011-m — kamanda «Hazproma», jakaja vystupaje pad ściaham rasijskaj zbornaj.