Za amatarskuju zbornuju Biełarusi hulaje 9 prafiesijnych chakieistaŭ

Piarečać saboj ža ŭstanoŭlenym praviłam.

05.01.2012 / 16:08

Učora ŭ Minsku startavaŭ vośmy Kaladny chakiejny turnir amatarskich kamand na pryz Łukašenki, u jakim prymajuć udzieł 8 družyn: zbornyja Biełarusi, Aŭstryi, Šviecyi, Finlandyi, Kanady, Rasii, Słavienii i Čechii.

Cikava, što, niahledziačy na ​​amatarski status turniru, u skład zbornaj Biełarusi ŭvachodziać 9 chakieistaŭ, jakija praciahvajuć prafiesijnuju karjeru. Heta hałkipiery Dźmitryj Karpikaŭ («Šachcior») i Siarhiej Šabanaŭ («Nioman»), abaroncy Alaksiej Płotnikaŭ («Mietałurh» Žłobin), Siarhiej Staś («Šachcior»), Jaŭhien Letaŭ («Mahiloŭ») i Raman Salnikaŭ («Lida»), a taksama forvardy Maksim Słyš («Junactva»), Arciom Siańkievič («Homiel») i Ściapan Panamaroŭ («Lvy», Ukraina).

Zhodna z p. 16 rehłamientu praviadzieńnia spabornictvaŭ,
«da ŭdziełu ŭ turniry dapuskajucca kamandy, jakija składajucca z chakieistaŭ starejšymi za 34 hadoŭ, jakija ŭklučajuć chakieistaŭ-amataraŭ i chakieistaŭ, jakija zaviaršyli vystupleńnie na prafiesijnym uzroŭni i nie ŭdzielničajuć u aficyjnych spabornictvach, za vyklučeńniem spabornictvaŭ siarod amataraŭ i vieteranaŭ. Akramia taho, u składzie kamandy dapuskajecca nie bolš za 5 nazvanych hulcoŭ va ŭzroście ad 25 da 34 hadoŭ.

U składzie kamandy Łukašenki dapuskajecca ŭdzieł nie bolš za 6 hulcoŭ, udzielnikaŭ adkrytaha čempijanatu Respubliki Biełaruś va ŭzroście bolš za 34 hady».