DTSAAF maje namier realizavać 8 samalotaŭ An-2 i 26 viertalotaŭ Mi-2

18.01.2012 / 10:15

Srodki ad prodažu lišnich viertalotaŭ i samalotaŭ DTSAAF pojduć na padtrymańnie techničnaha stanu realna ekspłuatujemaha parka avijacyjnaj techniki.
Ab hetym paviedamiŭ hałoŭny inžynier avijacyi DTSAAF Andrej Taćcianin.

Pavodle jaho słoŭ, vystaŭleńnie na prodaž avijatechniki stała mahčymym paśla padpisańnia ŭ kancy minułaha hoda prezidentam rasparadžeńnia ab pieradačy jaje va ŭłasnaść DTSAAF. Raniej samaloty i viertaloty, jakija ekspłuatavalisia ŭ abaronna-techničnym tavarystvie, byli ŭłasnaściu dziaržavy.

Nahadajem, babrujski aerakłub prapanoŭvaje samaloty An-2 1981–1989 hadoŭ vypusku z napracoŭkaj z pačatku ekspłuatacyi ad 300 da 1.300 hadzin;

viciebski — viertaloty Mi-2 vypusku 1978–1986 hadoŭ z napracoŭkaj z pačatku ekspłuatacyi ad 2.200 da 3.600 hadzin; mahiloŭski — samaloty An-2 1966–1989 hadoŭ vypusku z napracoŭkaj z pačatku ekspłuatacyi ad 500 da 4.000 hadzin; Centralny aerakłub (Minsk) — samaloty An-2 1966–1989 hadoŭ vypusku z napracoŭkaj z pačatku ekspłuatacyi ad 500 da 4.000 hadzin i viertaloty Mi-2 1984 hoda vypusku z napracoŭkaj z pačatku ekspłuatacyi ad 1.900 da 2.800 hadzin. Akramia taho, aerakłuby vystavili na prodaž avijacyjnyja ruchaviki roznych hadoŭ vypusku i z roznaj napracoŭkaj z pačatku ekspłuatacyi.
Avijacyjnaja technika budzie realizoŭvacca šlacham praviadzieńnia konkursu abo aŭkcyjonu.

Pavodle słoŭ Andreja Taćcianina, cikavaść da vystaŭlenaj na prodaž avijatechniki prajaŭlajuć u Rasii i Biełarusi. U DTSAAF užo telefanavali jak pryvatnyja asoby, tak i pradstaŭniki arhanizacyj, avijacyjnych ramontnych zavodaŭ.

Andrej Taćcianin adznačyŭ, što ŭsiaho DTSAAF maje namier realizavać vosiem samalotaŭ An-2 i 26 viertalotaŭ Mi-2. Košt pieršych (1966–1989 hadoŭ vypusku) składaje ad 2,5 tys. dołaraŭ. Cana viertalotaŭ 1978 hoda vypusku — ad 10 tysiač dołaraŭ, 1982–1984 hadoŭ vypusku — ad 22 tysiač dołaraŭ.