Prodaž harełki vyras na 18%

Pavodle źviestak Biełstata, u 2011 hodzie realizacyja harełki pavialičyłasia na 18,1% u paraŭnańni z 2010 hodam.

18.01.2012 / 10:53

Pradadziena 12 młn. 174,6 tys. dał harełki, jaje dola ŭ ahulnym abjomie spažyvańnia ałkaholu skłała 46,4% (u 2010 hodzie — 42,8%).

Dola realizacyi ałkaholnaj pradukcyi ŭ ahulnym abjomie roźničnaha tavaraabarotu ŭ 2011 hodzie skłała 10,3%. Na spažyvieckim rynku realizavana ałkaholnych napojaŭ i piva na 8,8 trłn. rubloŭ.

Piva za minuły hod pradadziena 34 młn. 593,8 tys. dał, na 10,8% bolš za anałahičny letašni pakazčyk.

Dola hetaha napoju ŭ ahulnym abjomie spažyvańnia ałkaholu skłała 13,2% (za 2010 hod — 13%).

Likiora-harełačnych vyrabaŭ realizavana 2 młn. 199,9 tys. dał (bolš na 30,7%), vinahradnych vin — 3 młn. 93,3 tys. dał (bolš na 11,3%), pładova-jahadnych vin i vinnych napojaŭ — 15 młn. 595,9 tys. dał (mienš na 8,1%). Pładovyja viny zaniali 26,8% u abjomie prodažu ałkaholnaj pradukcyi (u 2010 hodzie — 31,7%).

Kańjaku i brendzi pradadziena 315 tys. dał (bolš na 18,3%), pienistych vin i šampanskaha — 1 młn. 469,7 tys. dał (bolš na 18,2%), słabaałkaholnych napojaŭ — 838,5 tys. dał (mienš na 33,6%).