Były palitviazień Małčanaŭ aryštavany pa padazreńni ŭ kradziažy mietałałomu

Jaho zatrymali ŭ Žodzinie ŭ minułuju piatnicu.

18.01.2012 / 13:39

Ciapier były palitviazień, fihurant spravy 19 śniežnia jon znachodzicca ŭ SIZA.

Alaksandra zatrymali na terytoryi kuźniečnaha zavoda ŭ Žodzina. «Heta pamiłavańnie ničoha nie značyć, — kaža mama Małčanava Halina Andrejeŭna.

— Nichto nie chacieŭ jaho brać na pracu. Saša pajšoŭ na kursy pradprymalnictva, a taksama kiroŭcaŭ hruzavikoŭ. Chacieŭ zarehistravacca jak IP».

«Pakul pracy nie było, jon razam ź siabram jeździŭ pa roznych zvałkach, dzie šukaŭ na zdaču mietałałom. Nie viedaju, jak jon trapiŭ na achoŭvajemuju terytoryju zavoda. Pravaachoŭniki kažuć, što jon skraŭ mietałałomu na sumu 450 tysiač rubloŭ».

Alaksandr Małčanaŭ byŭ tym čałaviek, što ŭviečary 19 śniežnia 2010 źmiaściŭ bieł-čyrvona-bieły ściah na budynku KDB. Byŭ asudžany na 3 hady turmy, ale pamiłavany Łukašenkam u vieraśni. Pakajalnyja listy nie pisaŭ. «Ja nie mahu źviartacca da čałavieka, jakoha nie liču prezidentam», — kazaŭ Małčanaŭ.

Pa vyzvaleńni prablemy ŭ jaho nie spynilisia. Niejki čas jon siadzieŭ u IČU Barysava pa padazreńni ŭ zalivańni farbaj dziaržaŭnych čyrvona-zialonych ściahoŭ. Ale tady vinu chłopca dakazać nie atrymałasia.

Źmicier Pankaviec