Iranskuju i venesuelskuju naftu Biełaruś budzie atrymlivać cieraz bałtyjskija porty
Pra heta zajaviŭ pieršy vice‑premjer Uładzimier Siamaška.
21.02.2007 / 21:08
Bałtyjskija partovyja terminały płanujecca zadziejničać dla transparciroŭki vieniesuelskaj i iranskaj nafty ŭ Biełaruś. Ab hetym žurnalistam paviedamiŭ pieršy namieśnik premjer‑ministra Biełarusi Uładzimir Siamaška. Pad jaho staršynstvam siońnia ŭ Viciebsku prachodzić vyjaznoje pasiadžeńnie Kamisii pa pavyšeńniu kankurentazdolnaści ekanomiki.
Viadoma, pytańnie transparciroŭki nafty praz bałtyjskija partovyja terminały druhasnaje — pierš za ŭsio nieabchodna vyrašyć, kali i adkul brać naftu, padkreśliŭ Uładzimir Siamaška. Jon adznačyŭ, što Biełaruś viadzie rabotu pa raźviedcy i daśledavańniu naftanosnych rajonaŭ u Vieniesuele i Iranie. Pačać zdabyču nafty tam płanujecca praz 3‑4 hady. Tady bałtyjskija partovyja terminy i buduć zapatrabavany, pačniecca adnaŭleńnie transpartnaj struktury, naprykład, naftapravoda Vientśpiłs — Navapołack.
Ciapier zadziejničać prybałtyjskija partovyja terminały ekanamična niavyhadna, pakolki rasijskaja nafty ź isnujučaj uvaznoj pošlinaj $53 za tonu kaštuje Biełarusi tańniej, čym kali b jana zakuplałasia na suśvietnych biržach, rastłumačyŭ Uładzimir Siamaška.