U Maładziečnie zvalniajucca kanduktary i pratestujuć kiroŭcy
28.01.2012 / 10:40
U Maładziečnie na praciahu apošniaha tydnia na niekatorych haradskich aŭtobusach možna było jeździć biez kvitka. Sprava ŭ tym, što kanduktaraŭ, jakija biaruć apłatu za prajezd, nie chapaje, i hetu funkcyju ŭskłali na kiroŭcaŭ. Tyja ŭ jakaści pratestu vyrašyli pieravozić pasažyraŭ biaspłatna.
Kvitki na prajezd u maładečanskim hramadskim transparcie možna nabyć tolki niepasredna ŭ kanduktaraŭ. Apošnim časam kanduktary masava pazvalnialisia z-za nizkaha zarobku. Kiraŭnictva aŭtaparku vyrašyła prablemu za košt kiroŭcaŭ. Jakim čynam kiroŭca moža zabiaśpiečyć usich kvitkami, asabliva ŭ hadziny pik, i pry hetym nie spaźniacca pa hrafiku –- niezrazumieła.
Takim čynam, kiroŭcy aŭtobusaŭ, jakija i biez taho skardziacca na nieadekvatnuju apłatu pracy, vyrašyli nie padparadkoŭvacca rasparadžeńniam načalstva. U vypadku pavieličeńnia na ich cisku mnohija nastrojeny na zvalnieńnie.