U Jehipcie kryvavyja bojki zaŭziataraŭ: 74 čałaviek zahinuli
abnoŭlena; dadalisia fota i videa
Sotni paciarpieli.
01.02.2012 / 22:43
Palicyja Jehipta zatrymała ŭ horadzie Port-Said 47 čałaviek, jakija padazrajucca va ŭdziele i pravakavańni masavaj bojki paśla futbolnaha matču, u jakoj zahinuli, pa apošnich źviestak, 74 čałaviek. Hienieralny prakuror Jehipta Abdel Mahid Machmud užo vylecieŭ u Port-Said, kab ahledzieć stadyjon, dzie adbylisia biesparadki.
U vyniku bojki i ciskaniny na stadyjonie ŭ Port-Saidzie paśla matču nacyjanalnaha pieršynstva pamiž kairskaj kamandaj «Al-Achli» i miascovym «Al-Masry», pa apošnich dadzienych, zahinuli 74 i paciarpieli da tysiačy čałaviek. Zaŭziatary taksama źbili hulcoŭ i partuhalskaha treniera «Al-Achli».
Pry hetym, pa dadzienych niekatorych jehipieckich resursaŭ, z-za zdareńnia na stadyjonie svajoj pasady ŭžo pazbaviŭsia hubiernatar pravincyi Port-Said.
Jak paviedamlaje Reuters, u čaćvier projdzie ekstranuju naradu, pryśviečanuju padziejam u Port-Saidzie, jaho praviadzie parłamient Jehiptu. Usie matčy nacyjanalnaha pieršynstva pa futbole prypynienyja i adkładzienyja na niavyznačany termin.
***
Jak paviedamlałasia raniej, zaŭziatary taksama padpalili stadyjon u Kairy paśla spynieńnia matču miascovych kamand «Zamalek» i «Ismaił». Na kadrach žyvoj tranślacyi vidać, jak haryć adna z trybun stadyjona. Sudździa byŭ vymušany spynić matč paśla taho, jak źjavilisia naviny pra achviary ŭ biesparadkach paśla matču ŭ
U krainie abvieščana trochdzionnaja žałoba.