11 ці 12? Сёння будзе зацверджаны рэгламент футбольнага чэмпіянату
03.02.2012 / 10:34
Сёння, 3 лютага ў 14.00 у Доме футбола пачнецца пасяджэнне выканкама Асацыяцыі «Беларуская федэрацыя футбола», на якім будзе зацверджаны рэгламент новага чэмпіянату.
На разглядзе ў чыноўнікаў два варыянты: 11 каманд у тры колы або 12 камандаў у 4 колы з улікам дзялення на шасцёркі. Хоць не выключаны і іншы варыянт развіцця падзей.
На 16.00 запланавана лёсаванне чэмпіянату ў вышэйшай лізе.
Нагадаем, што кіраўніцтва мінскага «Партызана» заявіла, што не будзе ўдзельнічаць у чэмпіянаце вышэйшай лігі.