Сярэдні заробак футбаліста ў Беларусі — 2 500 даляраў

Разрыў між заробкамі спартоўцаў і звыклых людзей у Беларусі большы, чым у Польшчы ці Чэхіі.

07.02.2012 / 11:53

Сярэдні заробак беларускага футбаліста складае 2,5 тыс. даляраў у месяц, піша football.by.

Football.by зазначае, што, улічваючы, што сярэдні заробак у краіне 330 даляраў [паводле Белстата за снежань 342 даляры — НН], розніца ў заробках складае 7,6 разу.

У Польшчы сярэдні заробак футбаліста складае 4–5 тыс. даляраў, у той час як сярэдні заробак па краіне — 1 200 даляраў (каэфіцыент — 4,2).

У Чэхіі сярэдні заробак па краіне — 1 100 даляраў, у той час як сярэдні заробак футбаліста складае 4 тыс. даляраў.