Nastaŭnikaŭ u Homieli abaviazali dziažuryć na nierehulavanych skryžavańniach u ciomny čas
i pieravodzić dziaciej cieraz darohu.
17.02.2012 / 14:47
Nastaŭnikaŭ homielskich siarednich škoł, raźmieščanych kala aŭtadaroh, dzie na skryžavańniach niama śviatłaforaŭ, abaviazali dziažuryć u ciomny čas sutak. Piedahohi pavinny dziažuryć na nierehulujemych skryžavańniach z 7.30 da 8.00 i z 18.00 da 20.00, pieravodzić dziaciej cieraz darohu abo papiaredžvać ich ab mahčymaj niebiaśpiecy. Takoje rasparadžeńnie pastupiła ŭ haradskija škoły z addziełaŭ adukacyi.
U addziele adukacyi administracyi Savieckaha rajona Homiela BiełaPAN patłumačyli, što rasparadžeńnie pryniata ŭ metach vykanańnia prahramy biaśpieki nasielnictva na darohach, zacvierdžanaj harvykankamam.
«Byŭ zahad rajonnaha addzieła, i my zrabili svoj zahad pa dziažurstvie ŭ ciomny čas z 30 studzienia. Kala škoły ŭ nas pierachod bieź śviatłafora, tam chutki ruch. Nastaŭniki apranajuć śpiecyjalnuju kamizelku sa śviatłoadbivalnymi elemientami i pieravodziać dziaciej cieraz darohu, kab paźbiehnuć avaryj. My zacikaŭlenyja, kab dzieci byli ŭ biaśpiecy, heta ŭ našych intaresach, kab stvaryć usie ŭmovy dla dziaciej. Nastaŭniki padtrymali inicyjatyvu», — śćviardžaje dyrektar siaredniaj škoły № 33 Homiela Ina Cimašenka.