Daškieviča sprabavali siłaj pasadzić da «apuščanaha»
Siońnia ŭ Hłybockaj kałonii adbyłasia sustreča Daškieviča z advakatam.
17.02.2012 / 15:43
Pra heta paviedamiła niaviesta palitviaźnia Nasta Pałažanka. Pa jaje słovach, sustreča prachodziła ŭ niervovaj atmasfiery: Daškieviča pierapyniali supracoŭniki kałonii i pahražali ŭvohule spynić sustreču.
Adnak palitviazień paśpieŭ paviedamić, što supracoŭniki kałonii sprabavali siłaj zavieści jaho ŭ kamieru da źniavolenaha ź nizkim sacyjalnym statusam, tak zvanaha «apuščanaha». Pavodle niehałosnych praviłaŭ, jakija isnujuć siarod zekaŭ, heta aŭtamatyčna pieraviało b samoha Daškieviča ŭ taki status. Źmicier admaŭlaŭsia ad hetaha, za što jaho źmiaścili ŭ ŠIZA.
Jak miarkuje Daškievič, suprać jaho ładzili hetuju pravakacyju, kab potym pačać na jaho kryminalnuju spravu za supraciŭ supracoŭnikam kałonii i dadać jašče terminu źniavoleńnia.
Nahadajem, palitviaźniu zastałosia adbyvać pakarańnie roŭna 10 miesiacaŭ.