Апазіцыя ў Грузіі з'ядналася ў новую кааліцыю
Яе ўзначаліў мільярдэр Бідзіна Іванішвілі.
22.02.2012 / 09:36
Галоўнай у кааліцыі мае стаць ягоная партыя «Грузінская мара — дэмакратычная Грузія». Новая апазіцыя збіраецца пазмагацца з Нацыянальным рухам Міхэіла Саакашвілі.
У новую кааліцыю не ўвайшла Ніно Бурджанадзэ,кіраўніца іншага крыла апазіцыі.
Яна мае намер выбары байкатаваць,не бачыць сэнсу ва ўдзеле ў іх. У той жа час Іванішвілі выступае супраць вулічных акцый пратэсту, якія выкарыстоўвае Бурджанадзэ.
Саакашвілі вінаваціць апазіцыю ў сувязях з Расіяй.Іванішвілі сапраўды выступае за пачатак перамоваў з Масквой, а таксама Абхазіяй і Асеціяй. Аднак новая апазіцыя падзяляе стратэгічную мэту інтэграцыі ў ЕС і НАТО.