«Беларус памірае за сцяг»

Найбуйнейшая газета Польшча выйшла з партрэтам Каваленкі на першай паласе.

22.02.2012 / 10:44

«Улады пераследуюць яго за вывешванне забароненай гістарычнай сімволікі — бел-чырвона-белага сцяга», — апавядае газета.

Газета расказвае аб бруднай кампаніі ў лукашэнкаўскіх СМІ, якія называлі 37-гадовага будаўніка з Віцебска «бандытам» і «мутантам, якому трэба сядзець у заапарку».

Выданне таксама перадае словы Каваленкі ў судзе, што пасля 30-дзённай галадоўкі яго 20 дзён кармілі прымусова. Пры гэтым начальнік над беларускімі турмамі Сяргей Працэнка раней заяўляў, што ніхто Каваленку прымусова не корміць, маўляў, не тыя часы.

Артыкул пра Каваленку на сайце газеты мае загаловак «Беларус памірае за сцяг».

А на першай паласе папяровага выдання «Выборчай» — «Суд за беларускі сцяг».

МБ