Сяргей Дарафееў пераходзіць на ўкраінскую

У беларускага вядучага на ўкраінскім 5-м канале з'явілася штодзённая аналітычная перадача.

28.02.2012 / 10:06

27 лютага на ўкраінскім «5-м канале» стартавала штодзённае аналітычнае ток-шоу «Час. Підсумки дня». Яе вядучымі з’яўляюцца былы журналіст АНТ Сяргей Дарафееў, а таксама — Святаслаў Цеголка і Раман Чайка.

Агульны хранаметраж прамога эфіру перадачы — паўтары гадзіны, падзеленыя на чатыры блокі. Інфармацыйнае напаўнаненне: сюжэты, прямые ўключэнні, выпускі навінаў, кантакт з аўдыторыяй праз сацыяльныя сеткі, анонс падзей наступнага дня.

Галоўнай адзнакай новага ток-шоу, гаворыцца ў прэс-рэлізе5-га канала, ёсць свежы погляд на кожную тэму дыскусіі ў студыі. Сюды будуць запрашацца вядомыя апалітычныя персоны, маральныя аўтарытэты грамадства, чыя думка заўсёды цікавая, але не з’яўляецца будзённа-публічнай.

Выходзіць перадача ў эфір штодня ў 20:30 па мінскім часе (19:30 па Кіеву).

Нагадаем, што беларускі журналіст таксама вядзе іншае ток-шоу на «5-м канале» — «Партрэты з Сяргеем Дарафеевым», якое выходзіць у аўторкі ў 22:55 па мінскім часе.

nn.by